ข่าวเพื่อนบ้าน BorderNews

วันพฤหัสบดีที่ 28 กรกฎาคม พ.ศ. 2559

ເປັນທີ່ໂສກັນ ຂອງຫຼາຍຄົນທາງອ່ອນລາຍ ເມື່ອມີຜູ້ໃຊ້ເຟສບຸກຊື່ Sithphrakeo Duang ໄດ້ໂພດຮູບ ພຣະສົງທີ່ອາເມລິກາ ເປີດຮ້ານຂາຍອາຫານຢູ່ວັດໂດຍມີຂໍ້ຄວາມວ່າ:

''ໄດ້ໄປເຫັນດ້ວຍສາຍຕາຂອງຕົນເອງມື້ວານີ້ ທີ່ວັດວໍຊິງຕັນ ດີຊີວັນທີ 2 ເດືອນກໍຣະກະດາ 2016 ( 07/02/2016 ) ໄດ້ເຫັນບັນດາພຣະສົງສາມມະເນນ ເອົາ ສົ້ມໝູ, ຊຶ້ນແຫ້ງ, ສົ້ມຜົກກາດ ,ແຈ່ວບອງ, ແຈ່ວປາແດກ ແລະຫຼາຍຢ່າງ ມາຕັ້ງເຕັນຂາຍປະປົນກັບບັນດາແມ່ຄ້າອື່ນໆ, ພີ່ນອ້ງຊາວພຸທບໍຣິສັດທັງຫຼາຍກະຣະນາຊອ່ຍກັນໃຫ້ຄວາມຄິດຄວາມເຫັນແດ່ ວ່າ ເປັນການເໝາະສົມຫຼືບໍ່ທີ່ພຣະສົງອອກມາທຳມາຄ້າຂາຍແບບນີ້''
ຕາມທີ່ເບິ່ງຄົງຈະເປັນການຫາລາຍຮັບເຂົ້າວັດ...
ແຕ່ກໍ່ເປັນເລື່ອງທີ່ບໍ່ເຄີຍມີມາ

ຮຽກຮ້ອງໃຫ້ພາກສ່ວນກ່ຽວຂ້ອງ ໄດ້ຊ່ວຍປະຊາຊົນ ທັງ 99 ຄອບຄົວ ທີ່ໄດ້ຮັບຜົນກະທົບຈາກ ໂຄງການ ຟາມງົວ

ຮຽກຮ້ອງໃຫ້ພາກສ່ວນກ່ຽວຂ້ອງ ໄດ້ຊ່ວຍປະຊາຊົນ ທັງ 99 ຄອບຄົວ ທີ່ໄດ້ຮັບຜົນກະທົບຈາກ ໂຄງການ ຟາມງົວ ທີ່ບ້ານເຫຼົ່າສຸລິຍະ, ເມືອງຈຳພອນ, ແຂວງສະຫວັນນະເຂດ.

ເພາະໂຄງການຟາມງົວດັ່ງກ່າວແມ່ນຖືກດິນນາປະຊາຊົນ ແລະ ຍັງຖືກເຂດປ່າສະຫງວນນຳອີກ.
ຂໍໃຫ້ທາງສູນກາງລົງໄປກວດກາຢ່າງເລັ່ງດ່ວນດ້ວຍ

ທີ່ມາ:ໂທລະໂຄ່ງ THOLAKHONG

วันเสาร์ที่ 2 กรกฎาคม พ.ศ. 2559

ງາມຫລາຍພີ່ນ້ອງ ຢ່າລືມກົດໄລກົດແຊເດີ!!! ສ້າງ ນວ ໃຫ້ເປັນພື້ນທີ່ອະນຸຮັກສິ່ງແວດລ້ອມຕາມທິດຍືນຍົງ

By ssss 02:43:00 ສັງຄົມ

ທ່ານ ແກ້ວພິລາວັນ ອາໄພລາດ ຮອງເຈົ້າຄອງ ນວ ໄດ້ກ່າວໃນກອງປະຊຸມວິຊາການເພື່ອປຶກສາຫາລື ກ່ຽວກັບການສະເໜີຮັບຮອງເອົາແຜນຍຸດທະສາດ ການພັດທະນາຜັງເມືອງ ແລະ ກົດລະບຽບຄຸ້ມຄອງຕົວເມືອງວຽງຈັນ ວັນທີ 29 ມິຖຸນາ 2016 ຢູ່ພະແນກໂຍທາທິການ ແລະ ຂົນສົ່ງ (ຍທຂ.ນວ) ວ່າ: ທິດທາງລວມ ແລະ ຄາດໝາຍໃຫຍ່ໃນການພັດທະນາ ນວ ໃນທ້າຍທົດສະວັດທີ II ແລະ ທີ III ຂອງສະຕະວັດທີ XXI ຈຳເປັນຕ້ອງກຳນົດວິໄສທັດການພັດທະນາ ນວ ແຕ່ລະໄລຍະຈົນຮອດປີ 2030 ເພື່ອຮັກສາ ແລະ ເຊີດຊູຖານະບົດບາດໃຫ້ ນວ ເປັນໃຈກາງດ້ານວັດທະນະທຳຂອງຊາດ ສ້າງ ນວ ໃຫ້ເປັນພື້ນທີ່ຕົວຢ່າງຂອງການອະນຸຮັກສິ່ງແວດລ້ອມຕາມທິດຍືນຍົງ ມີພື້ນທີ່ສີຂຽວ ແລະ ເປັນຕົວເມືອງທຳມະຊາດໃນອະນາຄົດ ສູ້ຊົນພັດທະນາເຂດເທສະບານ ນວ ໃຫ້ຫຼຸດພົ້ນອອກຈາກສະຖານະພາບດ້ອຍພັດທະນາ ເປັນຕົວເມືອງໜ້າຢູ່ຕາມຄຳຂວັນ 6ສ ໃຫ້ໄດ້ໂດຍພື້ນຖານດ້ານພື້ນຖານໂຄງລ່າງ ຍທຂ ສິ່ງອຳນວຍໃນການດຳລົງຊີວິດລາຍໄດ້ ແລະ ຄຸນະພາບຊີວິດຂອງປະຊາຊົນ ແລະ ຄວາມສ່ຽງຂອງເສດຖະກິດ ສາມາດປະກາດໃຊ້ແຜນຜັງການພັດທະນາ ນວ ສະບັບໃໝ່ອອກເປັນ 3 ເຂດຄື: ເທສະບານ (ໃຈກາງ ນວ) ເຂດຊານເມືອງ (ເຂດເຊື່ອມຕໍ່) ແລະ ເຂດເມືອງອ້ອມຂ້າງ ນວ.

ນວ ໄດ້ຮັບການສະໜັບສະໜູນຈາກອົງການໄຈກາ ໃນການສຶກສາວິໄສທັດພັດທະນາຮອດປີ 2030 ແລະ ໄດ້ຖືກຮັບຮອງໂດຍພື້ນຖານຈາກລັດຖະບານ ນັບແຕ່ປີ 2012 ເປັນຕົ້ນມາ ອີງໃສ່ມາດຕາ 2 ຂອງກົດໝາຍວ່າດ້ວຍຜັງເມືອງນັ້ນ ເອກະສານຜັງເມືອງຕ້ອງປະກອບດ້ວຍຍຸດທະສາດແຜນຜັງ ແລະ ກົດລະບຽບຄຸ້ມຄອງຕົວເມືອງວຽງຈັນ ເຊິ່ງຈະຕ້ອງໄດ້ນຳສະເໜີນາຍົກລັດຖະມົນຕີ ເພື່ອພິຈາລະນາຮັບຮອງເອົາ ຈຶ່ງຈະມີຜົນສັກສິດໃນການຈັດຕັ້ງປະຕິບັດ ສະນັ້ນ ຈຶ່ງຮຽກຮ້ອງມາຍັງບັນດາທ່ານຄົ້ນຄວ້າ ປະກອບຄຳເຫັນໃສ່ເອກະສານດັ່ງກ່າວ ແລ້ວກ້າວສູ່ຄວາມເປັນເອກະພາບ ກ່ອນນຳສະເໜີນາຍົກລັດຖະມົນຕີພິຈາລະນາຮັບຮອງເອົາ.

ທີ່ມາ:http://vientianemai.net/khao/16114.html