ທົ່ວປະເທດ ມີຜູ້ຕິດເຊື້ອໄຂ້ເລືອດອອກແລ້ວ ຫຼາຍກວ່າ 1 ພັນຄົນ ຕາມການລາຍງານຂອງໜ່ວຍເຝົ້າລະວັງພະຍາດ ກະຊວງສາທາລະນະສຸກ ໃຫ້ຮູ້ວ່າ: ຈາກການເຝົ້າລະວັງພະຍາດໄຂ້ເລືອດອອກປີນີ້ ເຖິງວ່າຈະບໍ່ມີການລະບາດໃຫຍ່ ແຕ່ມາຮອດປັດຈຸບັນ ມີຈຳນວນຜູ້ຕິດເຊື້ອແມ່ນມີອັດຕາທີ່ສູງ ແລະ ຮ້າຍແຮງ ຖ້າທຽບໃສ່ໄລຍະດຽວກັນຂອງປີຜ່ານມາ ຄືນັບແຕ່ເດືອນມັງກອນ ມາຮອດປັດຈຸບັນ ທົ່ວປະເທດມີຜູ້ຕິດເຊື້ອໄຂ້ເລືອດອອກແລ້ວຫຼາຍກວ່າ 1.077 ກໍລະນີ ແລະ ມີຜູ້ເສຍຊີວິດແລ້ວ 7 ຄົນ ໃນນັ້ນ
ແຂວງທີ່ມີຈຳນວນຜູ້ຕິດເຊື້ອ ແລະ ເສຍຊີວິດຫຼາຍກວ່າໝູ່ແມ່ນຈຳປາສັກ 596 ກໍລະນີ ແລະ ເສຍຊີວິດ 6 ຄົນ ບໍລິຄຳໄຊ 80 ກໍລະນີ ນະຄອນຫຼວງວຽງຈັນ 78 ກໍລະນີ ປັດຈຸບັນພາກສ່ວນກ່ຽວຂ້ອງ ພວມເລັ່ງຄວບຄຸມພະຍາດດັ່ງກ່າວ ໂດຍສະເພາະຢູ່ແຂວງທີ່ມີຈຳນວນຜູ້ຕິດເຊື້ອຫຼາຍ ແລະ ເຂດທີ່ມີຄວາມສ່ຽງຕ່າງໆ ໂດຍການປະສານສົບທົບກັບອຳນາດການປົກຄອງທ້ອງຖິ່ນ ກຳຈັດແຫຼ່ງເພາະພັນຂອງຍຸງລາຍທີ່ເປັນພາຫະນຳເຊື້ອ.
ພ້ອມນັ້ນ ເມື່ອມໍ່ໆມານີ້ ພາກລັດຖະບານ ກໍ່ຄືກະຊວງສາທາລະນະສຸກ ໄດ້ອະນຸມັດເງິນຈຳນວນ 800 ລ້ານກີບ ເພື່ອຮັບໃຊ້ເຂົ້າໃນວຽກງານດັ່ງກ່າວ.
ไม่มีความคิดเห็น:
แสดงความคิดเห็น