ຈັງແມ່ນຄັກເນາະພີ້ນ້ອງບໍ່ຕ່າງກັບໄທເລີຍ!!!! ກວດພົບຊິງຊັ່ງສິນຄ້າບໍ່ໄດ້ມາດຕະຖານຫຼາຍ 10 ໜ່ວຍ
ປັດຈຸບັນ ການເໜັງຕີງຂອງລາຄາສິນຄ້າບາງປະເພດ ຢູ່ຕາມຕະຫຼາດທົ່ວນະຄອນຫຼວງວຽງຈັນ ແມ່ນຂຶ້ນ ເປັນຕົ້ນແມ່ນ ປະເພດສິນຄ້າອຸປະໂພກ-ບໍລິໂພກ ເວົ້າລວມ ເວົ້າສະເພາະ ປະເພດຊີ້ນ ແລະ ປາ ເພື່ອເປັນການບໍ່ເອົາລັດເອົາປຽບຜູ້ບໍລິໂພກຈາກຊາວຄ້າຂາຍ ໂດຍສະເພາະການດັດແປງຊິງຊັ່ງ ວັນທີ 21 ມິຖຸນາ 2016 ຫ້ອງການວິທະຍາສາດ ແລະ ເຕັກໂນໂລຊີ ເມືອງຈັນທະບູລີ ຮ່ວມກັບຈັດສັນຕະຫຼາດ ແລະ ພາກສ່ວນທີ່ກ່ຽວຂ້ອງໄດ້ລົງກວດກາ ແລະ ວັດແທກມາດຕະຖານຊິງຊັ່ງຂອງຊາວຄ້າຂາຍປະເພດ ຊີ້ນ ປາ ແລະ ອື່ນໆຢູ່ຕະຫຼາດໂພນຕ້ອງສະຫວ່າງ ເມືອງຈັນທະບູລີ.
ທ່ານ ວຽງສະຫວັນ ມຸນນິວົງ ຮອງຫົວໜ້າຫ້ອງການວິທະຍາສາດ ແລະ ເຕັກໂນໂລຊີ ເມືອງຈັນທະບູລີ ໄດ້ກ່າວວ່າ: ຄະນະກວດກາຂອງພວກເຮົາໄດ້ລົງກວດກາ ຊິງຊັ່ງຢູ່ຕະຫຼາດເປົ້າໝາຍ ຈຳນວນ 4 ແຫ່ງ ເລີ່ມແຕ່ວັນທີ 9 ມິຖຸນາ 2016 ຜ່ານມາ ປະກອບມີຕະຫຼາດທົ່ງຂັນຄຳ ໂພນຕ້ອງຈອມມະນີ ຫ້ວຍຫົງ ແລະ ຕະຫຼາດໂພນຕ້ອງສະຫວ່າງ ຜ່ານການລົງກວດກາຄັ້ງນີ້ ໄດ້ກວດພົບຊິງຊັ່ງບໍ່ໄດ້ມາດຕະຖານ ຈຳນວນ 11 ໜ່ວຍ ສຳລັບຊິງຊັ່ງທີ່ບໍ່ໄດ້ມາດຖານດັ່ງກ່າວ ແມ່ນຈະໄດ້ນຳໄປທຳລາຍຖິ້ມ ພ້ອມທັງໃຫ້ຄະນະຈັດສັນຕະຫຼາດຈົດບັນທຶກປະຈຳວັນ ແລະ ສຶກສາອົບຮົມເຈົ້າຂອງຮ້ານທີ່ກະທຳຜິດ ໂດຍສະເພາະແມ່ນກົດໝາຍວັດແທກ ແລະ ກົດໝາຍອາຍາ ຕາມມາດຕາ 150 ວ່າດ້ວຍການດັດແປງການດັດປັບສິ່ງຂອງ.
ການລົງກວດກາວຽກງານມາດຕະຖານ ແລະ ວັດແທກປະເພດຊິງຊັ່ງທົ່ວໄປ ຕາມຕະຫຼາດທົ່ວເມືອງຈັນທະບູລີ ປະຈຳປີ 2016 ເພື່ອເປັນການຈັດຕັ້ງຜັນຂະຫຍາຍວຽກງານ 3 ສ້າງຂອງເມືອງ ທັງເປັນການກວດຄືນກ່ຽວກັບການປະຕິບັດລະບຽບການ ແລະ ມາດຕະການໃນການຄ້າຂາຍສິນຄ້າຕາມຕະຫຼາດພາຍໃນເມືອງ ໃຫ້ມີຄວາມຖືກຕ້ອງ ປອດໃສ ແລະ ບໍ່ເອົາລັດເອົາປຽບຜູ້ບໍລິໂພກ.
ທີ່ມາ: http://vientianemai.net/khao/16066.html
ไม่มีความคิดเห็น:
แสดงความคิดเห็น